Non sempre empregamos témperas, rotuladores ou lapis para pintar... Aquí tedes as nosas obras pintadas con CAFÉ, típico en Brasil... Quedaron preciosas, e ulían xenial, a que si?
Como xa sabedes, ó comezo de curso inauguramos un novo proxecto: A que sabe o mundo? relacionado coa alimentación, gastronomía, tradicións... todo aquilo relacionado coa comida.
Por iso, decidimos comezar a cesta viaxeira que nos permitiu descubrir froitas, as súas propiedades e receitas...; investigamos os mercados... e despois sumerxímonos na investigación de tres países do mundo, as súas tradicións e, por suposto... as súas comidas típicas: Italia, China e Brasil.
Como actividade final para pechar o proxecto, decidimos que cada aula de Educación Infantil crearía un restaurante dalgún deses tres países... e á áula de 4 anos tocounos... Italia!
Despois de repasar o aprendido sobre o país, a súa gastronomía... decidimos o nome entre todos/as do noso restaurante: A mellor superpizzería de O Grove. Tras isto, escollimos o menú, a decoración, fixemos a lista da compra, investigamos a función daqueles/as que traballan nun restaurante: cociñeiros/as, camareiras/os... e... o resultado final foi...
Ademais do traballo previo... ese día tamén traballamos un montón: vestímonos de cociñeiros/as para facer a pizza que serviriamos ás nenas e nenos das outras aulas de E.Infantil; amasamos, engadimos ingredintes, prepararamos a mozzarella... e, por suposto, preparámonos para atender ós clientes co noso uniforme...
Saber como atender ós/ás clientes tamén foi un traballo previo, que soubemos aplicar moi ben... e entre atender, servir, cobrar e recoller... pasouse o día.
Pasámolo xenial e, sobre todo, aprendimos grazas á experiencia vivencial... a aprendizaxe significativa sempre se consigue cando aprendemos xogando e investigando.
Como xa sabedes o pasado 21 de maio fumos de excursión de fin de curso a Kiriko... e pasámolo xenial! Despois da viaxe en bus quedábannos moitas aventuras por vivir: convivir con diferentes animais, traballar na horta, facer galletas e sobre todo... xogar e sorrir!
Remata a viaxe da ratiña Elsa pola casa dos nosos amigos de 5 anos, e desta volta foi na casa de Érik.
Durante toda a semana estiveron investigando sobre o albaricoque e contounos que se recollen na primavera e que son bos para os osos, para o corazon e para axudarnos a perder peso.
Tamén nos contou como fixeron a receta de xeado de albaricoque.