Desta volta toca falar do postre tan rico que nos fixo Uxía coa axuda da súa familia e por suposto da ratiña Elsa: mousse de cereixa.
Durante toda a semana Uxía investigou un pouquiño sobre esta froita e descubreu cousas tan interesantes como que se recollen no verán e que nos aportan ácido fólico, vitamina A, C e E, ferro, potasio.
A semana pasada tocoulle a Óliver disfrutar da compañía da ratiña Elsa, e coa súa axuda investigou o pexego.
Descubreu que se colleita na primavera e no verán, e que ten múltiples propiedades. E coa axuda da súa familia fixo unhas tartaletas con crema e pexego que estaban sobrosísimas.
A continuación podedes ver un vídeo con todo o que nos contou Óliver.
Mirade tamén como os seus compañeiros probaron as tartaletas.
O pasado xoves 25 de abril fumos a Pontevedra a ver a obra de teatro da Fundación ABanca "Guyi-Guyi"... a historia tiña como protagonista a un "cocopato" que vivía moitas aventuras...
Ás nenas e nenos gustoulles moito, e ás profes tamén!