As pasadas semanas estivemos a facer moitas cousas relacionadas co Nadal! Entre elas... turrón de chocolate!
Como o prometido é deuda... deixámosvos por aquí a receita por se queredes facelo nestas datas nas vosas casas (aínda que vai un pouquiño a ollo...), as cantidades son para un turrón:
- 250 gr de chocolate negro (+ de 55% de cacao) +
[opcional: pódese engadir un pouco de chocolate con leite para que non sexa tan forte]
- Manteiga
- Auga e/ou leite
- Cereais (arroz inflado) ou froitos secos
PREPARACIÓN:
1. Cortamos o chocolate en cachiños o máis pequenos posible e imos poñendo na pota (sen prender o lume)
2. Engadimos un pouquiño de auga e/ou leite, moi pouco, para que nos axude a derretir o chocolate. Tamén pode derretirse ao baño maría
3. Unha vez que temos o chocolate derretido, engadimos unha cullerada ben chea de manteiga e facemos que se derrita e integre co chocolate
4. Ao conseguir que o chocolate e a manteiga estean ben derretidas, poñemos a mestura no molde e engadimos o arroz inflado e/ou froitos secos que queiramos
5. Deixamos enfriar a temperatura ambiente un rato e despois levámolo á neveira ata que estea ben duro
6. Desmoldamos, cortamos... e a comer!
AGORA MIRADE COMO O FIXEMOS NÓS!
Esperamos que vos gustara a pequena degustación que enviamos ás casas, familias! Se vos animades a facelo, deixade fotos nos comentarios!
