ANIVERSARIOS DO MES DE MAIO

ESTE MES DE MAIO TIVEMOS MOITA FESTA: OS ANIVERSARIOS DE ÁNGELA, JUANJO, YOEL E ROI.

MOITOS PARABÉNS PARA TODOS :)

MOITO TEATRO!

DURANTE ESTES ÚLTIMOS DÍAS SUBIMOS Á BIBLIOTECA DO COLE PARA DISFRUTAR DE DAS OBRAS DE TEATRO QUE OS MAIORES DA CLASE DE 5º DE PRIMARIA TIÑAN PREPARADAS PARA NÓS:

A TOUPIÑA QUE QUERÍA SABER QUEN LLE FIXERA AQUILO NA CABEZA

E

O COELLIÑO BRANCO

FIXÉRONO MOI BEN E, POR SUPOSTO, MERECERON UN GRAN APLAUSO :)

CONTOS EN FAMILIA

O 15 DE MAIO CELÉBRASE O DÍA INTERNACIONAL DA FAMILIA. ESTE ANO QUIXEMOS CELEBRALO AO GRANDE, E PARA ISO AO LONGO DESTE MES INVITAMOS ÁS NOSAS FAMILIAS A VIR AO COLE PARA COMPARTIR UN RATIÑO CON NÓS.

AQUÍ VOS DEIXAMOS UN PEQUEÑO RESUMO DAS VISITAS QUE NOS FIXERON.

MOITAS GRAZAS A TODOS OS PARTICIPANTES :)

ROCÍO, A NAI DE JUANJO, VEU A LERNOS "LA PATITA QUE VINO A CENAR". LOGO APROVEITOU PARA ENSINARNOS UN MONTÓN DE CURIOSIDADES RELACIONADAS CO SEU TRABALLO DE MARISCADORA. ENSINOUNOS O SEU TRAXE, AS SÚAS FERRAMENTAS, E ALGUNHAS CUNCHAS DOS MARISCOS QUE RECOLLE NA PRAIA: BERBERECHOS, AMEIXAS, MEXILLÓNS, NAVALLAS…

MARÍA, A NAI DE ANTÓN, LEUNOS O CONTO "A COLLEITA DO RATIÑO". PARA CONTALO PREPAROU UNHAS MARIONETAS XENIAIS, COAS QUE ANTÓN E AMARO ACOMPAÑARON A NARRACIÓN DA HISTORIA. ADEMAIS DISTO, VEU PREPARADA CUNS GARABANZOS E TARROS DE VIDRO, NOS QUE COLOCAMOS OS GARABANZOS E MOLLÁMOLOS PARA FACELOS XERMINAR.

TEMOS QUE CONFESAR QUE TIVEMOS UN PEQUEÑO PROBLEMA… PORQUE OS MOLLAMOS DEMASIADO E NON NOS FORON ARRIBA :(   PERO INTENTARÉMOLO DE NOVO O PRÓXIMO CURSO.

MARÍA, A NAI DE GUILLERME, LEUNOS O CONTO DE "CLEMENTINA Y EL MUNDO SUBMARINO", PROTAGONIZADO POR UNHA GALIÑA QUE VIAXA POLO FONDO DO MAR E COÑECE DIFERENTES ANIMAIS MARIÑOS. 

PERO ISTO NON É TODO! COA AXUDA DE GUILLERMO, CONVERTEU A NOSA CLASE NUN PEQUENO LABORATORIO E COÑECIMOS UN POUQUIÑO O SEU TRABALLO. 

MESMO PUIDEMOS MIRAR A TRAVÉS DO SEU MICROSCOPIO :)

ROCÍO, A NAI DE MANU OTERO, CONTOUNOS O CONTO DE "CARABUÑAS", QUE COMO BEN SABEMOS, NUNCA CORTABA AS UÑAS. E PARA COMPLETAR A SÚA VISITA, ROCÍO TROUXO UN MALETÍN DE MÉDICO E O MATERIAL NECESARIO PARA ENSINARNOS A CURAR AS NOSAS FERIDAS. 

PAULA, UNHA AMIGA DA FAMILIA DE LUKA GARCÍA, VEU AO COLE PARA LERNOS "A TOUPIÑA QUE QUERÍA SABER QUEN LLE FIXERA AQUILO NA CABEZA".  LOGO XOGAMOS UN RATIÑO Á TOUPIÑA.

ANA, A NAI DE ROI, VEU PARA LER O CONTO "O CARTEIRO QUE NON SABÍA LER", E TAMÉN NOS LEU VARIAS ADIVIÑAS DO LIBRO "ADIVIÑACEDARIO".

PERO… ANA NON VEU SOA: VEU AO COLE MOI BEN ACOMPAÑADA COA AVOA E MAIS CON XIÁN, E CON ELES VIMOS UNHA ECOGRAFÍA DE CANDO ROI ESTABA NA SÚA BARRIGA. ADEMAIS, DESCUBRIMOS QUE TODOS NÓS TEMOS UN EMBIGO, E QUE CANDO ESTABAMOS DENTRO DAS BARRIGAS DAS NOSAS MAMÁS, AÍ TIÑAMOS UN CORDÓN QUE NOS UNÍA A ELAS.

NOA, LUCÍA E RODRIGO, A FAMILIA DE MARTIÑO, VIÑERON A LERNOS O CONTO "LOS MIL COLORES DEL HILO INVISIBLE", UN LIBRO QUE NOS FALA DESE “FÍO” QUE NOS UNE A TODAS AS PERSOAS QUE QUEREMOS E QUE NOS QUEREN.

LOGO APROVEITAMOS A VISITA PARA SEMENTAR UNHAS PIPAS. A VER SE VEMOS MEDRAR ALGÚN  XIRASOL :)

RODRIGO, O PAI DE AMARO, VEU AO COLE PARA LERNOS O CONTO DOS "TRES PORQUIÑOS", UN CLÁSICO QUE SEMPRE TRIUNFA. ADEMAIS DISTO, QUIXO COMPARTIR CON NÓS UNHA DAS SÚAS GRANDES AFECCIÓNS: A MÚSICA. 

TROUXO UNHA GUITARRA, UNHA BANDURRIA E UN LAÚDE, QUE AÍNDA QUE SON INSTRUMENTOS MOI PARECIDOS, PUIDEMOS COMPROBAR QUE TEÑEN TAMAÑOS DIFERENTES E CADA UN SOA DUNHA FORMA DISTINTA. ADEMAIS...  TODOS PUIDEMOS TOCAR O LAÚDE!  SE É QUE NA CLASE... SOMOS TODOS UNS GRANDES MÚSICOS :)

LUIS, O PAI DE MANU OTERO, LEUNOS O CONTO "LA GRAN CARRERA DE LOS ANIMALES", E ENSINOUNOS ALGUNHAS DAS MEDALLAS E CAMISETAS QUE CONSEGUIU EN DIFERENTES CARREIRAS. COMO LLE GUSTA MOITO O DEPORTE, ANIMOUNOS A PARTICIPAR NAS CARREIRAS, QUE SEMPRE SON MOI DIVERTIDAS.

ADEMAIS, COMO TRABALLA NUN BANCO, TROUXO UNHAS HUCHAS PARA PINTAR E, AO REMATALAS, REGALOUNOS MOEDAS DE CHOCOLATE. 

ASÍ DÁ GUSTO AFORRAR :)

E MARTA, A NAI DE BREIXO, VISITOUNOS PARA LERNOS O CONTO "ISTO NON É UNHA SELVA", E CON ELA CONVERSAMOS SOBRE A IMPORTANCIA DE RECOLLER. PORQUE SE NON RECOLLEMOS CANDO ACABAMOS DE XOGAR... A CLASE E A NOSA CASA CORREN O RISCO DE CONVERTERSE NUNHAS SELVAS!

ADEMAIS DISTO, COMO MARTA NOS VISITOU NESTA ÚLTIMA SEMANA DO CURSO, TIVO O PRIVILEXIO DE VER EN PRIMICIA MUNDIAL AS OBRAS DE ARTE QUE ESTAMOS CREANDO PARA A EXPOSICIÓN DO ÚLTIMO DÍA DE COLE. 

LETRAS GALEGAS 2025

O DÍA DAS LETRAS GALEGAS DESTE ANO ADÍCASE ÁS CANTAREIRAS, TODAS AQUELAS MULLERES QUE FORON TRANSMITINDO CANTIGAS DE XERACIÓN EN XERACIÓN E GRAZAS ÁS CALES A NOSA CULTURA POPULAR SEGUE MÁIS VIVA CA NUNCA.

PARA CELEBRALO TIVEMOS COMO INVITADA A UNHA CANTAREIRA MOI ESPECIAL: DUNIA, A NAI DE AMARO, E INTEGRANTE DO GRUPO CINCO EN ZOCAS. CON ELA CANTAMOS A MUIÑERA DA PICOTA, QUE ESTIVEMOS PRANTICANDO ESTES DÍAS NA CLASE, E TIVEMOS A OPORTUNIDADE DE COÑECER UNHA CHEA DE INSTRUMENTOS MOI CURIOSOS: A TIXOLA, O SACHO, AS CULLERES, AS CUNCHAS, O PANDEIRO…

ADEMAIS DISTO, TAMÉN SUBIMOS Á BIBLIOTECA DO COLE, ONDE DUNIA E A PROFE ANDREA TOCARON UN PAR DE PEZAS COA PANDEIRETA.

NESTA LIGAZÓN TEDES MÁIS FOTOS E VÍDEOS DESTA GRAN XORNADA CON TODO O ALUMNADO DO COLE.

MOITAS GRAZAS DUNIA :)

NA CLASE TAMÉN DECORAMOS UNHAS PANDEIRETAS DE CARTOLINA, NAS QUE DEBUXAMOS UNHA CANTAREIRA. QUEDÁRONNOS MOI BEN :)

CONCURSO DE MASCOTAS DA BIBLIOTECA

AQUÍ TEMOS A ANTÓN E AO SEU IRMÁN AMARO CON MERMELADA, A MASCOTA QUE DESEÑARON PARA PARTICIPAR NO CONCURSO DE MASCOTAS DA BIBLIOTECA.

QUEDOUVOS XENIAL! SODES UNS ARTISTAS :)